Дух надзеi: супраць грамадства страху

«ДУХ НАДЗЕІ: CУПРАЦЬ ГРАМАДСТВА СТРАХУ» — першая кніга вядомага карэйска-нямецкага філосафа Бён-Чхоль Хана (р. 1959), перакладзеная на беларускую мову. Разважаючы ў рэчышчы сацыяльнай крытыкі, Хан аналізуе, чаму страх з’яўляецца «ўсюдыісным» эмацыйным рэжымам сучасных неаліберальных грамадстваў. Аўтар падкрэслівае несумяшчальнасць страху і свабоды і звяртаецца да феномена надзеі як унікальнага настрою, які супрацьстаіць страху. Кніга прапануе грунтоўнае інтраспектыўнае даследаванне, якое намацвае прысутнасць надзеі ў жыцці чалавека. Для беларускіх чытачоў яна можа быць асабліва цікавай тым, што ў рэшце рэшт магчымасць надзеі звязваецца са з’яўленнем пэўнай супольнасці, бо менавіта для супольнага чалавечага жыцця надзея расчыняе далягляд будучыні.
Кніга напісана ў форме эсэ і ў стылістыцы, даступнай для шырокай адукаванай аўдыторыі.